14 февраля 2008 г.
«Единая Россия» партин Чăваш регион уйрăмĕ пĕлтĕр пуçарнă «Единая Россия» партирен - кĕнекесем» акцие республикăри Ырă ĕçсен çулталăкĕнче малалла тăсма йышăннă. Ача çулталăкĕнче политика партийĕн Чăваш Енри членĕсемпе вĕсен майлисем шкулсенчи тата ялсенчи библиотекăсене 12 пине яхăн тĕрлĕ кĕнеке парнеленĕ: илемлĕ тата ача-пăча, наука-техника литератури, учебниксем... Ырă кăмăл акцине Чăваш Республикинчи Патшалăх Канашĕн «Единая Россия» фракцийĕн тата район пухăвĕн депутачĕсем, ĕç коллективĕсем хастар хутшăннă.
Кăçал пухнă кĕнекесене сывлăх сиплевĕпе профилактика учрежденийĕсене çитерĕç. Кĕнекесене партин регион тата вырăнсенчи уйрăмĕсенче «Единая Россия» партирен суйланнă депутатсен йышăну пункчĕсенче тата Шупашкарти Я. Ухсай ячĕллĕ Культура керменĕнче «Ленинград урамĕ, 32 çурт» 108 пÿлĕмре йышăнаççĕ. Ыйтса пĕлмелли телефонсем: 62-25-56; 62-28-07.
Источник: "Хресчен сасси"