15 февраля 2008 г.
Ырă ĕçсен çулталăкĕ Тенеялĕнчи вулавăша çÿрекенсемшĕн чăннипех те ырăпа пуçланчĕ. Чăваш Республикин Патшалăх Канашĕн депутачĕ, çĕршывĕпе паллă “Акконд” УАО пуçлăхĕ, Патшалăх Канашĕнчи «Единая Россия» партин фракци членĕ, Тенеялĕнче çуралса ÿснĕ В.Н.Иванов ял вулавăшне 93 экземпляр илемлĕ литература парнелерĕ. Кĕнекесенчен чылайăшĕ вулакансем патне çитрĕ те ĕнтĕ. Акă, вулавăша çÿреме юратакан Н.А.Анисимовпа П.И.Афонова пенсионерсем детективлă романсене алла илсен питĕ кăмăллă юлчĕç. Тăван ял çыннисене çакăн пек пысăк парне панăшăн эпир Валерий Николаевича тав тăватпăр, ырлăх-сывлăх, телей сунатпăр.
Ю.ЕГОРОВА, библиотека заведующийĕ.
Источник: "Ял ĕçченĕ"