27 октября 2007 г.
Çĕнĕ Пăвасем хăйсен ялне пĕр кунта республикăри паллă çынсем – спортсменсем, тренерсем, депутатсем, бизнесменсем, юрăçсем, ертÿçĕсем хăçан килнине ас тумаççĕ те пулĕ. Çак кун ялта Чăваш Республикин Патшалăх Канашĕн депутачĕн, Чăваш Патшалăх университечĕн проректорĕн, Шупашкарти Елчĕксен ентешлĕхĕн ертÿçин Олег Николаевич Викторовăн парнисене çĕнсе илессишĕн кире пуканĕ йăтакансен районти уçă турнирĕ пулса иртрĕ. Унта Елчĕк, Комсомольски, Йĕпреç районĕсен, Чăваш патшалăх университечĕн, Чăваш ял хуçалăх академийĕн командисем хутшăнчĕç.
Шупашкартан килнĕ артистсен «аллинче» пулчĕ. Иван Хри-стофоров, Сергей Кувшинов, Светлана Яковлева, Андрей Шадриков юрăçсем зала туллиех пухăннă халăха илемлĕ юрăсемпе савăнтарчĕç. Унтан сцена çине кире пуканĕ йăтакан каччăсемпе хĕрсем, спорт ветеранĕсем хăпарчĕç. Вĕсене Елчĕк район пуçлăхĕ Н.Миллин, Чăваш Республикинчи физкультурăпа спорт министрĕн çумĕ А.Яковлев, XXVII Олимп вăййисен бронза призерĕ В.Андреев, республикăри кире пуканĕ йăтакансен федерацийĕн председателĕ Ю.Карпов, Курнавăш ял тăрăхĕн ертÿçи В.Кузьмин, Чăваш Республикин Патшалăх Канашĕн депутачĕ В.Филимонов, ирĕклĕ майпа кĕрешекенсен федерацийĕн председателĕн çумĕ В.Семенов, Шупашкарти «Мега-Молл» суту-илÿ çурчĕн директорĕ Н.Герасимов, ирĕклĕ майпа кĕрешессипе икĕ хут СССР чемпионĕ С.Колесников, Елчĕк районĕн хисеплĕ гражданинĕ, Шупашкарти педагогика колледжĕн директорĕ В.Сапожников, тĕнче класлă спорт мастерĕ, кире пуканĕ çĕклессипе Европа чемпионĕ Б.Глинкин, О.Викторов хăй саламларĕç.
Ăмăртăва пурĕ 90 яхăн спортсмен, ветеран килнĕ. Вĕсен хушшинче республикăри, çĕршыври ăмăртусенче палăрнă атлетсем, спорт мастерĕсен кандидачĕсем те пур. Турнир кăнтăрла умĕн пуçланчĕ те каçченех пычĕ. Хĕрсемпе хĕрарăмсем кире пуканне сулласа йăтрĕç пулсан, çамрăксемпе çитĕннисем икĕ упражненире – кире пуканне сулахай тата сылтăм алăсемпе сулласа йăтса, кăкăр çинчен икĕ кире пуканне тĕртсе ăмăртрĕç. Ăмăрту харăсах виçĕ помост çинче иртрĕ.
1990 çулта çуралнă, унран çамрăкрах хĕрсем 60, 70 кг çитичченхи тата унтан йывăртарах виçесенче вăй виçрĕç. 60 кг виçере Йĕпреç районĕнчен килнĕ Д.Павлова сылтăм алăпа 107 хут, сулахаййипе 101 хут сулласа йăтрĕ 16 кг кире пуканне. Пурĕ 208 очко пуçтарчĕ, пĕрремĕш вырăна тухрĕ. Иккĕмĕшпе виççĕмĕш вырăнсене Р.Петрова (Йĕпреç) тата В.Купташкина (Çирĕклĕ Шăхаль) тухрĕç. 70 кг. 1. Е.Козлова (Кĕçĕн Таяпа). 2. Виктория Купташкина (Çирĕклĕ Шăхаль). 3. Е.Еремеева (Кивĕ Эйпеç). 70 кг йывăртарах. 1. О.Маликова (Елчĕк). 2. Н.Федорова (ял хуçалăх академийĕ). 3. А.Сапожникова (Энтепе).
1990 çулта çуралнă тата унран çамрăкрах каччăсем те 45 тата 50 кг виçесенче 16 кг кире пуканĕпе тупăшрĕç. Икĕ енлĕ ăмăртура пьедестал çине çак атлетсем хăпарма тивĕç пулчĕç. 45 кг. 1. Д.Шепилов (Кĕçĕн Таяпа). 2. П.Чермаков (Çĕнĕ Пăва). 3. В.Семенов (Кĕçĕн Таяпа). 50 кг. 1. С.Елисеев (Кивĕ Эйпеç). 2. Д.Григорьев (Курнавăш). 3. В.Кудряшов (Курнавăш).
55 кг йывăртарах виçере каччăсем 24 кг кире пуканĕ йăтрĕç. Çакăн пек вырăнсене йышăнчĕç. 55 кг. 1. А.Леонтьев (Йĕпреç). 2. Н.Хрисанов (Йĕпреç). 3. В.Семенов (Кĕçĕн Таяпа). 60 кг. 1. И.Ловкин (Курнавăш). 2. А.Петров (Йĕпреç). 3. Д.Васильев (Кивĕ Эйпеç). 65 кг. 1. Ф.Туктин, 2. В.Григорьев (иккĕшĕ те ял хуçалăх академийĕ). 3. Е.Степанов (Йĕпреç). 70 кг. 1. С.Соловьев (Кивĕ Эйпеç). 2. А.Ловкин. 3. Д.Тимофеев (иккĕшĕ те ял хуçалăх академийĕ). 75 кг. 1. А.Михайлов (Елчĕк). 2. П.Михайлов (Кĕçĕн Таяпа). 80 кг. 1. Н.Яковлев (Йĕпреç). 2. А.Балашников. 3. А.Манаскин (иккĕшĕ те Курнавăш). 80 кг йывăртарах. 1. О.Николаев (Елчĕк). 2. П.Рыбаков (Çĕнĕ Пăва).
1989 çулта çуралнă тата унтан аслăрах арçынсем 32 кг кире пуканĕ çĕклерĕç. 65 кг виçере пĕртен-пĕр арçын помост çине тухрĕ. Йĕпреç командинчи Н.Леонтьев икĕ пăтлă икĕ кире пуканне кăкăр çинчен 23 хут тĕртрĕ, сылтăм тата сулахай алăсемпе 42 тата 36 хут сулласа йăтрĕ. 70 кг çитичченхи виçере П.Рубцов (ял хуçалăх академийĕ) икĕ енлĕ ăмăртура 90, 5 очко пуçтарчĕ, пĕрремĕш вырăна тухрĕ. Кĕçĕн Таяпара çуралнă, халĕ ял хуçалăх академийĕнче пĕлÿ пухакан В.Семенов ăна 5 очко выляса ячĕ. Çак икĕ спортсмен та спорт мастерĕн кандидачĕсем. Виççĕмĕш вырăнта – А.Трофимов (ЧПУ).
75 кг виçере А.Чернов (ял хуçалăх академийĕ) 32 кг икĕ кире пуканне кăкăр çинчен 67 хут тĕртрĕ, сылтăм тата сулахай алăсемпе 56 тата 48 хут сулласа йăтрĕ. Спорт мастерĕн кандидачĕ пĕрремĕш вырăн йышăнчĕ. Иккĕмĕшпе виççĕмĕш вырăнсене П.Кутузов (ЧПУ) тата А.Тихонов (ял хуçалăх академийĕ) пайларĕç.
80 кг çитичченхи виçере Чăваш патшалăх университечĕн студенчĕсем Е.Павлов тата В.Хрисанов пĕрремĕшпе иккĕмĕш, А.Локачев (Курнавăш) виççĕмĕш вырăнсене тухрĕç. 90 кг çитичченхи виçере те ял хуçалăх академийĕнче вĕренекенсем А.Семенов, Н.Перепелкин, Б.Головцов пĕтĕм пьедестала йышăнчĕç. 90 кг йывăртарах виçере пĕрремĕшпе иккĕмĕш вырăнсене С.Терентьев (ял хуçалăх академийĕ) тата В.Светопольский (Курнавăш) пайларĕç.
40 çултан аслăрах спорт ветеранĕсем 70, 80 тата унтан йывăртарах виçесенче пĕрер çеç пулчĕç. Çĕнтерÿçĕсем – П.Кузнецов, П.Смирнов (иккĕшĕ те Курнавăш) тата М.Скворцов (Кĕçĕн Таяпа). 60 çула çитичченхи спорт ветеранĕсен ушкăнĕнче малти вырăнсене М.Петров (Йĕпреç), А.Анисимов (Елчĕк), Н.Молоствов (Курнавăш) йышăнчĕç. 60 çултан аслăрах ушкăнра Г.Туманов (Çĕнĕ Эйпеç), П.Егоров (Çĕнĕ Пăва) мала тухрĕç.
Район командисен тупăшăвĕнче Елчĕксем пĕрремĕш. Иккĕ-мĕшпе виççĕмĕш вырăнсенче Йĕпреç ра-йонĕн тата ял хуçалăх академийĕн атлечĕсем йышăнчĕç.
Елчĕк районĕнчи командăсен ăмăртăвне те пĕтĕмлетрĕç. Ку ушкăнра Курнавăшсем çĕнтерчĕç, такана çĕнсе илчĕç. Малалла ытти командăсем çакăн пек йĕркене вырнаçса тухрĕç: 2. Кĕçĕн Таяпа. 3. Елчĕк. 4. Кивĕ Эйпеç. 5. Çĕнĕ Пăва. 6. Çирĕклĕ Шăхаль. 7. Энтепе.
Мала тухнă командăсене дипломсемпе, хаклă парнесемпе чысларĕç. Вĕсене О.Н.Викторов пачĕ.
Н. АЛЕКСЕЕВ.
Источник: "Елчĕк Ен"