24 октября 2007 г.
Вăрмарти Культурăпа кану центрĕнче çак кунсенче тĕл пулу иртрĕ. «Единая Россия» партин регионти представителĕсем: ЧР Патшалăх Канашĕн Председателĕн çумĕ Г.Васильев, Патăрьел район Депутачĕсен Пухăвĕн председателĕ М.Петров, ЧПУ Канашри филиалĕн директорĕ Б.Волков, Раççей Геройĕ Е.Борисов килсе çитрĕç. Чи малтанах район пуçлăхĕ В.Кириллов сăмах илчĕ, çывхарса килекен РФ Патшалăх Думин суйлавне пурин те хутшăнмалли, В.Путин «Единая Россия» партин списокне ертсе пыма килĕшнине пĕлтерни çинче чарăнса тăчĕ. Килнĕ хăнасем сцена çине тухса сăмах каларĕç, хăйсен ĕçĕ-хĕлĕпе паллаштарчĕç. Хăнасем Вăрмара «пушă алăпа» мар, «Янташ» эстрада ушкăнĕн чаплă концерчĕпе килнĕ.
Источник: "Урмарская районная газета"