30 июня 2007 г.
Юлашки çулсенче çĕршывра вăй илекен çĕнĕлĕхсем библиотекăсене те айккинче хăвармарĕç: кашни ялта майлах вулавçăсем валли тĕслĕх библиотекăсем уçăлма пуçларĕç. Çак çĕнĕлĕх июнĕн 15-мĕшĕнче Çатракасси ял библиотекине те çитрĕ.
Кĕнеке вулакан çеç тĕрĕс те эффективлă аталану çулне суйласа илейрет. Çакăнти пулăшу çулĕ вăл – ялти библиотека. Юлашки çулсенче çĕршывра вăй илекен çĕнĕлĕхсем библиотекăсене те айккинче хăвармарĕç: кашни ялта майлах вулавçăсем валли тĕслĕх библиотекăсем уçăлма пуçларĕç. Çак çĕнĕлĕх июнĕн 15-мĕшĕнче Çатракасси ял библиотекине те çитрĕ. Ăна пурнăçа кĕртме спонсорсен пулăшăвĕ пысăк тĕкĕ пулчĕ. Вĕсене манăн паян ятранах тав сăмахĕ калас килет. Пирĕн ентеш Социализмла Ĕç Геройĕ Ольга Федоровна Федорова, вĕрентÿ ĕçĕн отличникĕ тата ĕç ветеранĕ, ялти хисеплĕ çын Татьяна Тимофеевна Донскова 3-шер пин тенкĕ, Вера Ильинична Никитина пенсионерка 1, 5 пин тенкĕ укçан парса пулăшрĕç. ЧР Патшалăх Канашĕн депутачĕ Владислав Григорьевич Данилов та сумлă пулăшуçăсен ретĕнчен юлмарĕ. Çынсен пысăк тимлĕхĕ пысăк ответлăх хурать. Çакна эпир ăнланатпăр, вулавçăсем валли хамăр услугăсене лайăхлатма тăрăшатпăр. Акă паян ĕçпе кану лагерьне çÿрекен ачасем çĕнĕ сăн кĕнĕ библиотекăра хаваспах çĕнĕ кĕнекесемпе паллашаççĕ, видеофильмсем пăхаççĕ.
В. КОНУЗИНА, Çатракасси ял библиотекарĕ.
Источник: "Çĕнтерÿ ялавĕ"