28 мая 2007 г.
Ĕнер районти шкулсенче вĕренекен 4855 ачашăн юлашки шăнкăрав янăрарĕ. Хаваслă самант – çуллахи каникул кунĕсем тытăнаççĕ. Вунпĕрмĕшсемшĕн вара вăл савăнăçпа пĕрлех кăшт тунсăхлă та. Юлашки шăнкăрав вĕсене пурнăçăн аслă çулĕ çине тухнипе пĕрлех тăван шкулпа яланлăхах сывпуллашмаллине пĕлтерет.
Кăçал районĕпе 11 классенчен 485 ача, 9 классенчен 815 ача вĕренсе тухать.
Муркаш шкулĕнче савăнăçлă уява шкул директорĕ В.В. Ялушкин уçрĕ. Вăл тата уяв ячĕпе саламлама килнĕ хăнасем район пуçлăхĕ Ю.А. Иванов, ЧР Патшалăх Канашĕн депутачĕ В.Г. Данилов тата ыттисем 11 класран вĕренсе тухакан 85 вĕренекене телейлĕ çул сунчĕç, «Единая Россия» парти юлашки вăхăтра çамрăксене тивĕçлипе вĕренсе пурнăçра хăйсен вырăнне тупма пур майсене те туса пама тăрăшнине палăртрĕç.
В. ШАПОШНИКОВ
Источник: "Çĕнтерÿ ялавĕ"