14 мая 2007 г.
Ача-пăча килте лараймасть. Çуллахи хĕвеллĕ çанталăкра вĕсене пушшех те тытса чараймăн. Район центрĕнче пурăнакан шăпăрлансемшĕн халĕ юратнă вырăн – паркра вырнаçтарнă ача-пăча площадки.
Кун каçа ачасен хаваслă сасси татăлмасть унтан. Ăна туса пама, ярăнмалли тата ытти вăйăсем вылямалли хатĕр-хĕтĕре туянса вырнаçтарма пирĕн ентеш, ЧР Патшалăх Канашĕн депутачĕ, «Чăвашрегионгаз» ОАО генеральнăй директорĕ К.С.Мифтахутдинов пулăшнă. Ашшĕ-амăшĕ те Кияметдин Садыртдиновича чĕререн тав тăвать. Ара, халĕ хăйсен ачисене ăçта шырамаллине пĕлеççĕ, вылянă чухне автотранспорт айне лекес хăрушлăхран та асăрханма аван. Ачасем те площадкăшăн хавас.
Май уявĕсем, Çемье кунĕ тĕлне ку чăннипех те пысăк парне тесен те тĕрĕс.
Источник: "Каçал Ен"