05 мая 2007 г.
«Хут çинче çырнине çĕр çине, ĕç çине куçармалла. Халăх шанса суйланă пулсан, пирĕн унăн ырлăхĕшĕн вăй хумалла», - терĕ район пуçлăхĕ В.Кириллов район депутачĕсен Пухăвĕн ларăвĕнче тухса калаçса. Ларура районăн социаллă-экономикăллă аталанăвĕн 2007-2010 çулсенчи Программине тата районăн 2006 çулхи бюджетне епле пурнăçланин отчетне çирĕплетрĕç.
ЧР Патшалăх Канашĕн депутачĕ, Чăваш Республикин Патшалăх Канашĕн Председателĕн заместителĕ Г.Васильев Чăваш Республикин 2020 çулчченхи социаллă-экономикăллă аталанăвĕн стратегийĕпе паллаштарчĕ. Çавăн пекех республикăра строительство индустрийĕн хăвачĕсем çирĕпленни çинче чарăнса тăчĕ. Çÿлте асăннă программăсем çинчен район пуçлăхĕн заместителĕ - финанс пайĕн начальникĕ О.Васильев каласа пачĕ.
Тепĕр программи Чăваш Республикинчи куçман пурлăх объекчĕсене патшалăх учетне тата çĕр участокĕсене патшалăх кадастр учетне илес енĕпе ĕçлемелли республикăри ятарлă программăпа килĕшÿллĕн районта 2006-2008 çулсенче куçман пурлăх кадастр системине туса хурасси пирки пулчĕ. Унпа райадминистрацин экономика пайĕн начальникĕ Н.Краснова паллаштарчĕ.
2007-2010 çулсенче çул çитмен тата асăрхавсăр ачасем право йĕркисене пăсасран сыхланса профилактикăлла ĕçсем туса ирттерессипе хатĕрленĕ программăпа район пуçлăхĕн заместителĕ - вĕрентÿ тата çамрăксен политикин пайĕн начальникĕ Ю.Соколов тухса калаçрĕ. Муниципаллă пĕрлĕхре тăракан муниципаллă пурлăхшăн аренда тÿлевĕн йĕркине, район администрацийĕ кăларса тăракан «Урмарский вестник» пирки Положение улшăнусем кĕртесси тата ытти хăш-пĕр ыйтусемпе райадминистрацин юридици службин секторĕн заведующийĕ Л.Степанов паллаштарчĕ. Ю.Данилов /Кĕлкеш округĕ/, А.Димитриев /Чупай округĕ/, В.Николаев /Мăнçырма округĕ/, И.Иванов /Энĕшпуç округĕ/, Н.Васильева /Кĕтеснер округĕ/, Ю.Иванов /Арапуç округĕ/ депутатсем хăйсене суйланă халăха хумхантаракан ыйтусене хускатрĕç.
Пухура депутатсем ытти тĕрлĕ ыйтусене пăхса тухса тивĕçлĕ решенисем йышăнчĕç.
А. НИКОЛАЕВА